KOL發文否定湘姐穿櫃桶底之說 網民數出湘姐10年仆心仆命事件簿
KOL發文否定湘姐穿櫃桶底之說
日前有一位投資分析KOL「garyinvestmentblog」在Threads上發文,指以湘姐在IG的發文中可見,湘姐10年來為鄭中基盡心盡力,每次工作上有成果,都會多謝鄭中基的信任和支持。該名KOL更指湘姐假如有財務需要,大可直接問鄭中基借錢,並沒有理由「穿櫃桶底」。而且大部分「穿櫃桶底」事件,公司都會第一時間與相關員工劃清界線,但機動娛樂並沒有就此對外作任何聲明,可見湘姐「穿櫃桶底」之說並不成立。
![湘姐 鄭中基 湘姐多年來為鄭中基洗底,網民都大讚無功都有勞。(圖片來源:IG@sheung_sheung_sheung)](https://imgs.orientalsunday.hk/wp-content/uploads/2024/08/image-3594803_110308773466b4538397ba2-1024x972.jpg)
網民都為湘姐平反:用咗十年時間幫鄭中基洗底
不少網民都認同KOL的說法,認為鄭中基的聲明是強調湘姐的「個人道德」,認為湘姐被解僱的「罪證」大於「穿櫃桶底」。同時,亦有不少網民為湘姐平反,認為湘姐花十年的時間和青春為鄭中基洗底,令其事業重回正軌,形象變得正面,無功都有勞:「十年努力心血工作經驗,一野收皮,同一行都唔會撈得番」「唔好再講冇功都有勞,湘姐做既係大功 直頭要表揚」「隔離個ig post又睇得出湘姐默默耕耘 敬業樂業,亦睇得出佢係一直傾慕鄭中基」等。
![湘姐 鄭中基 甚至有網民為湘姐整理出10年仆心仆命事件簿。(圖片來源:IG@sheung_sheung_sheung)](https://imgs.orientalsunday.hk/wp-content/uploads/2024/08/image-6886075_123533728466b45389151b3-1024x658.jpg)
網民數出湘姐10年仆心仆命事件簿
2014年:製作助理入行變鄭中基助手
湘姐在2014年從電影製作助理身份入行,直指10月轉行做鄭中基助手。一入職就為鄭中基設立個人Facebook專頁,之後都經常跟住老闆鄭中基出席大小活動。
![湘姐 鄭中基 湘姐在2014年從電影製作助理身份入行(圖片來源:IG@sheung_sheung_sheung)](https://imgs.orientalsunday.hk/wp-content/uploads/2024/08/image-7431982_79762554966b4538e69c1b.jpg)
2015年:IG曬鄭中基日常照 改變形象
入職後,湘姐一直在個人社交平台上傳鄭中基的日常照,湘姐每張照片都睇得出有揀過度過,除了有上傳鄭中基搞笑的照片,亦有上傳鄭中基認真工作、開會的照片,令鄭中基的形象變得更加立體。
![湘姐 鄭中基 (圖片來源:IG@sheung_sheung_sheung)](https://imgs.orientalsunday.hk/wp-content/uploads/2024/08/image-8711446_58928316066b4539470640.jpg)
2021年:機動娛樂開公司 網台搞得有聲有色
在2019年開始,鄭中基成立機動娛樂公司,在2021年更開機動娛樂網台。每次都親身上陣,製作出《匪夷所思》等多個經典系列,網民更在統計後發現,機動電視台一共312條影片,湘姐就一起參與兼上鏡超過250條,真係落心落力。
![湘姐 鄭中基 鄭中基成立機動娛樂公司。(圖片來源:IG@sheung_sheung_sheung)](https://imgs.orientalsunday.hk/wp-content/uploads/2024/08/image-2745454_141983405566b453818392f-859x1024.jpg)
2021年:搞周邊網店 落手落力做埋Model
機動電視台搞得有聲有色,鄭中基就開埋周邊網店。湘姐除了幫忙打理,更落手落力做埋Model。
![湘姐 鄭中基 湘姐落手落力做埋Model(圖片來源:IG@sheung_sheung_sheung)](https://imgs.orientalsunday.hk/wp-content/uploads/2024/08/image-5077997_205273151166b45385579ce-891x1024.jpg)
2023年:落力搞「機動兵工廠」請新人
在2023年,鄭中基帶頭搞「機動兵工廠」招聘幕前新人,湘姐變相要照顧多6個新人。湘姐曾經在去年年底於IG發文,從文中可見湘姐的確為公司仆心仆命:
今年冇停止過挑戰自己,我哋做咗好多同好大嘅嘗試,其實事實就係賭。所以我開始變得好慢、好驚、好擔憂,因為我落嘅任何決定都影響好多人、好多事、好多錢。責任同壓力令我已經好耐冇感到心安、快樂。
開心嘅時間嚟得好珍貴,所以更珍惜每一位我身邊嘅人。(幸好我每日都被愛我嘅人圍住) 雖然公司多咗6個成年嘅小朋友真係好嘈,但冇見幾日都係掛念,好多時工作上煩惱嘅問題,我會因為12個人係齊度而感覺我有力量同勇氣去搏。
經歷過失控同崩潰,今年仲學會當情緒最澎湃嘅時候更加應該放低一陣,因為有更緊要嘅事係眼前,人最後都只可以依靠自己,一定要冷靜,深呼吸。
我會繼續學習同壓力共存,希望明天開始會重新、慢慢地開心起嚟。